Offerynnau Statudol sydd ag Adroddiadau Clir
16 Ionawr 2023
SL(6)302 – Rheoliadau’r Gwasanaeth Iechyd Gwladol (Gwasanaethau Fferyllol) (Cymru) (Diwygio) 2022
Gweithdrefn: Gwneud Negyddol
Mae’r Rheoliadau hyn yn diwygio Rheoliadau’r Gwasanaeth Iechyd Gwladol (Gwasanaethau Fferyllol) (Cymru) 2020 (S.I. 2020/1073 (W. 241)) (“y Rheoliadau Fferyllol”). Mae’r Rheoliadau Fferyllol yn llywodraethu'r modd y darperir Gwasanaethau Fferyllol fel rhan o'r Gwasanaeth Iechyd Gwladol yng Nghymru o dan Ran 7 o Ddeddf y Gwasanaeth Iechyd Gwladol (Cymru) 2006 (“Deddf 2006”).
Seilir y cynllun ar gyfer talu am wasanaethau fferyllol a gwasanaethau fferyllol lleol yn Rhan 7 o Ddeddf 2006 ar y sail y bydd yr awdurdodau penderfynu ar gyfer tâl fferyllol yn cynnwys, fel rheol, yn y taliadau am y gwasanaethau hynny, swm sydd mewn perthynas â'r pris a delir gan ddarparwyr gwasanaethau pan brynasant yr eitemau presgripsiwn y maent yn eu cyflenwi neu'n eu gweinyddu i gleifion y GIG.
Mae pwerau yn Rhan 7 yn galluogi dewisiadau amgen i'r trefniadau taliadau cyffredin hyn mewn rhai amgylchiadau.
Mae rheoliad 4 yn mewnosod rheoliad newydd 55A yn y Rheoliadau Fferyllol. Mae hyn yn darparu, pan fo Gweinidogion Cymru neu’r Ysgrifennydd Gwladol wedi prynu brechlynnau rhag y coronafeirws, meddyginiaethau gwrthfeirol yn erbyn y coronafeirws neu frechlynnau rhag y ffliw yn ganolog, ac y rhoddir y cynhyrchion hynny ar gael i fferyllfeydd cymunedol heb gost, fod yr awdurdodau penderfynu ar gyfer tâl fferyllol i osod pris ad-dalu o sero neu bris nominal ar gyfer y GIG am y cynhyrchion hynny, os yw amodau penodol wedi eu bodloni.
Nid yw hyn yn atal yr awdurdodau penderfynu rhag talu fferyllfeydd cymunedol am y gwasanaethau y maent yn eu darparu ar y cyd â chyflenwi neu roi’r brechlynnau hynny neu’r meddyginiaethau gwrthfeirol hynny.
Rhiant-Ddeddf: Ddeddf y Gwasanaeth Iechyd Gwladol (Cymru) 2006
Fe’u gwnaed ar: 11 Rhagfyr 2022
Fe’u gosodwyd ar: 13 Rhagfyr 2022
Yn dod i rym ar: 06 Ionawr 2023
Offerynnau Statudol sydd ag Adroddiadau Clir
16 Ionawr 2023
SL(6)311 – Rheoliadau Ardrethu Annomestig (Hysbysiadau Galw am Dalu) (Cymru) (Diwygio) 2023
Gweithdrefn: Gwneud Negyddol
Mae'n ofynnol i awdurdodau bilio gyflwyno hysbysiadau galw am dalu ardrethi annomestig (biliau ardrethu) o dan Rhan II o Reoliadau Ardrethu Annomestig (Casglu a Gorfodi) (Rhestrau Lleol) 1989, Rhaid i nodiadau esboniadol ddod gyda hysbysiadau galw am dalu.
Caiff cynnwys y nodiadau esboniadol ei adolygu’n rheolaidd er mwyn sicrhau eu bod yn adlewyrchu system Ardrethu Annomestig Cymru yn gywir. Mae'n ofynnol i newidiadau sicrhau bod y wybodaeth sy'n cyd-fynd â'r hysbysiadau galw am dalu yn berthnasol i'r trefniadau a fydd ar waith o 1 Ebrill 2023. Er enghraifft:
- Lluniwyd y rhestr Ardrethu Annomestig bresennol ar 1 Ebrill 2017, yn seiliedig ar ddyddiad prisio rhagflaenol (AVD) o 1 Ebrill 2015. Caiff y rhestr Ardrethu Annomestig nesaf ei llunio ar 1 Ebrill 2023, yn dilyn ailbrisio yn seiliedig ar AVD o 1 Ebrill 2021. Ar hyn o bryd, mae'r wybodaeth esboniadol a ragnodwyd i'w darparu gan awdurdodau bilio ochr yn ochr â hysbysiad galw am daliad yn cynnwys cyfeiriadau penodol sy'n berthnasol i restr sgorio 2017 yn unig. Mae'r Rheoliadau hyn yn diweddaru'r cyfeiriadau hyn fel eu bod yn berthnasol i restr sgorio 2023.
- Bydd proses apelio newydd ar gyfer Ardrethu Annomestig yn berthnasol o 1 Ebrill 2023, felly mae'r Rheoliadau hyn yn diwygio'r nodiadau esboniadol i adlewyrchu'r newid hwnnw.
- Mae cyfeiriad sydd bellach yn hen ffasiwn yn y nodiadau esboniadol i ddyrchafu'r lluosydd Ardrethu Annomestig drwy gyfeirio at y Mynegai Prisiau Manwerthu yn cael ei ddileu.
- Diwygiwyd y cyfeiriad at ryddhad trosiannol i adlewyrchu'r rhyddhad trosiannol sy'n berthnasol i restr sgorio 2023.
Rhiant-Ddeddf: Ddeddf Cyllid Llywodraeth Leol 1988
Fe’u gwnaed ar: 05 Ionawr 2023
Fe’u gosodwyd ar: 09 Ionawr 2023
Yn dod i rym ar: 31 Ionawr 2023